Fundur vegna fjárhúsabyggðar í Stakkavík

Til stendur að halda fund um fyrirhugaða fjárhúsabyggð í Stakkavík á fimmtudaginn 3.maí kl 20:00

Hvetjum við sem flesta sem hafa hug á að byggja að koma og skoða þær hugmyndir sem uppi eru.

 

Kveðja stjórinn

Rúningur næstu daga.

Þá er komið að því að þeir félagar Hjalti og Stebbi komi í heimsókn.

Gert er ráð fyrir að þeir verði á morgun fimmtudag (1.mars) útá Stað

Síðan er stefnan tekin austurá við á föstudaginn og viljum við

biðja bændur um að fylgjast með hvar þeir eru hverju sinni.

Einnig biðja þeir félagar okkur um að hafa féið inni svo það sé

ekki blautt þegar þeir mæta.

Aðalfundur og Þorrablót 2012

Þá er komið að hinu árlega Þorrablóti og aðalfundi.

Stefnt er að því að halda fundinn í Salthúsinu laugardaginn 11.feb næstkomandi og hefst fundurinn kl 19.00.

Dagskrá fundarins

1. Venjuleg aðalfundarstörf.

2. Önnur mál.

 

Að fundi loknum verður haldið Þorrablót að hætti Láka á Salthúsinu.

Verð á pr mann verður 4000 kr.

Innifalið er ball með Hljómsveitinni Brilljantín sem mun halda uppi stuðinu fram eftir nóttu.

Ath Láki sækir og skutlar fólki heim. S:4269700 og 699-2669

En endilega að fjölmenna á fundinn og tökum með okkur gesti.

Kv

Stjórnin

Aðalfundurinn og Þorrablótið - tímasetning.

Aðalfundur fjáreigendafélagsins verður haldin þann 11 febrúar 2012 kl: 19:00 í Salthúsinu.

Venjuleg aðalfundarstörf.

Að loknum fundi verður Þorramatveisla , verð pr. mann er 4.900 kr.

Þeir sem vilja skrá sig í matinn vinsamlegast hafið samband við Guðjón í Vík í síma 426-8419 eða 895-0120.

Stjórnin.

Aðalfundur og þorrablót.

Aðalfundur og Þorrablót fjáreigendafélagsins verður haldin nk. laugardag 11 febrúar 2012 í Salthúsinu.

Nánari upplýsingar verða auglýstar fljótlega.

Stjórnin.

Lambatalning helgina 4-5. feb

Þá er stefnt að því að fósturtelja helgina 4-5. feb. Þeir sem hafa áhuga á því eru vinsamlegast beðnir að hafa samband við Guðjón í Vík í síma 4268419 eða 8950120 og tilkynna um fjölda.

Kæri markeigandi

Minnum þá á sem eiga mark og eiga eftir að senda staðfestingu til Gísla Ellertssonar Meðalfelli að muna að gera það fyrir 15. janúar 2012

Gjaldið er 3000.- krónur fyrir hvert mark.

Ef um einhverjar breytingar er að ræða að þá þarf að senda blaðið sem fylgdi

með þeim breytingum sem eiga að vera.

 

Gleðileg jól

Fjáreigendafélag Grindavíkur óskar ykkur gleðilegra jóla og farsældar á komandi ári.

Jólakort fjáreigendafélagsins má sjá ef smellt er á linkinn fyrir neðan, því ekki er hægt að setja myndir á bloggið.

http://www.flickr.com/photos/brimfaxi/6561176825/in/photostream

Gleðileg jól.

Sauðfjárbændur athugið.

Samkvæmt reglugerð um garnaveiki og varnir gegn henni frá 21. september 2011 er eiganda/umráðamanni sauðfjár og/eða geita á svæðum sem tilgreind eru í sem garnaveikisvæði samkvæmt viðauka reglugerðarinnar skylt að láta bólusetja öll ásetningslömb/kið til varnar garnaveiki á tímabilinu 15. ágúst til 31. desember ár hvert eins og verið hefur. Þeir bæir þar sem eigandi/umráðamaður sauðfjár hefur ekki sinnt skyldu til bólusetningar samkvæmt 5. gr reglugerðarinnar verða skilgreindir sem garnaveikibæir en þetta ákvæði er nýtt inni í garnaveikireglugerðinni nú.

Reglugerðina má lesa í heild sinni hér: http://stjornartidindi.is/Advert.aspx?ID=8288f8b3-0237-4b82-86f0-2ef177c4fdc2

Bændur er hvattir til að gera allt sem í þeirra valdi stendur til að fá fé sitt bólusett fyrir tilskyldan tíma. Þeim sem hafa gert ítrekaðar tilraunir til að fá féð bólusett og hefur ekki orðið ágengt er bent á að koma þeim upplýsingum til héraðsdýralæknis í Vesturumdæmi á netfangið [e-mail].

Bestu kveðjur frá BV.

Fundir BÍ hefjast á morgun

Hinir árlegu bændafundir BÍ hefjast á morgun með fundum á Hvanneyri, Snæfellsnesi, Vopnafirði og Egilsstöðum. Fulltrúar frá Bændasamtökunum munu á næstunni fara hringinn í kringum landið til fundar við bændur fram til 12. desember og fundarplanið má sjá á töflu hér: http://bondi.is/pages/23/newsid/1644

Í tengslum við fundarhöldin var gefinn út lítill upplýsingabæklingur, um starfsemi Bændasamtaka Íslands, og verður honum dreift á öll lögbýli strax eftir helgi.

Bændur eru hvattir til að mæta

kv
Sigríður Jóhannesdóttir
Framkvæmdastjóri
Búnaðarsamtökum Vesturlands