Þorrablót og Aðalfundur 13. Feb kl 19:00

Sælir félagsmenn

Ákveðið var á stjórnarfundi á mánudaginn síðast liðin að hafa Aðalfund og þorrablót laugardaginn 13. febrúar kl 19:00.

Aðalfundurinn verður haldinn á efrihæð Salthússins kl 19:00 og síðan í framhaldi af því verður haldið Þorrablót. Áætlað er að maturinn hefjist um kl 20:00. Að loknu þorrablóti verður harmonikkuspil á neðri hæðinni og mun dansinn duna fram eftir kvöldi.

Áætlað miðaverð er 3900.-kr og mun félagið greiða niður 1000.-kr á hvern miða þannig að miðinn kostar þá 2900.-kr. Bjóðum við maka sérstaklega velkomna með.

Gaman væri ef einhverjir gætu komið með gamlar myndir frá réttum, smali eða einhverju sem tengist okkar félagsskap.

 Vonandi sjá flestir sér fært um að koma og hafa gaman.

Við í stjórninni munum hringja í félagsmenn á næstu dögum og kanna áhuga manna á þorrablótinu og skrá fjölda.

 Kær kveðja

Stjórnin

Athugasemdir

[Gunnar Vilbergsson (IP-tala skráð) 17.2.2010 kl. 11:39]

Jæja engin umræða um aðalfundinn eða þorrablótið.  Það er kannski í lagi að koma fram með þær samþykktir sem hafa verið gerðar á fundinum.  Mér fynnst það allavega.  Eru menn sáttir með að hafa þetta áfram með þessum hætti þ.e.a.s. aðalfundur og þorrablót.  Mér skylst að Kristólína hafi verið hörku fundarstjóri og þá verður hún það framvegis ekki satt.  H'un er mjög félagsvön.