Aðalfundurinn 2010

Góð mæting var á Aðalfundinum sem haldinn var á efri hæð Salthússins síðasta laugardag en um fimmtíu manns mættu til fundar.

Byrjar var að minnast þeirra félaga sem féllu frá á síðast liðnu ári, en þeir voru Ólafur Guðbjartsson frá Bjarmalandi , Eggert Kristmundsson  og Lárus Kristmundsson frá Brunnastöðum.

Meðal þeirra mála sem rædd voru er að skipað var í þriggja manna nefnd til að finna svæði undir fjárhúsabyggð og var stungið uppá Hermanni, Brian og Ómari til að finna þessu stað og vinna að þessum málum fyrir félagsmenn og finna leiðir til að lágmarka kostnað eins og unnt er.

Stjórninn var endurkjörinn með lófaklappi og er skipuð Formaður Ómar Davíð Ólafsson,  Varaformaður Hermann Ólafsson,    Gjaldkeri Guðjón Þorláksson,   Ritari Loftur Jónsson,  Meðstjórnandi  Valgerður Valmundsdóttir.

Nokkur umræða var um hvort ætti að hækka félagsgjaldið eða hafa það óbreitt og kom stjórninn með þá tillögu að hafa það óbreitt s,s 100 kr pr vetrarfóðraða kind.

Rætt var um hrúta og gimbraskoðun á haustin hvort það ætti að reyna að fá dómarann til að koma á föstudegi en ekki um helgi því það væri dýrara. Einnig var rættum hvort félagið ætti að borga allt umfram 350 kr pr kind ef peningur er til í sjóði, sem var samþykkt.

Einnig var rætt um hvort halda ætti þessu fyrirkomulagi þ,a,e,s aðalfund og þorrablót saman. Og voru menn sammála um að halda þessu eins og það er því mikil ánægja var með matinn og var um 45 manns sem borðuðu. Skoða þarf hvort niðurgreiðsla eigi að vera eins mikil á næsta ári. En hún var núna  1000.- kr á miðann.

Guðjón kannaði áhuga manna á að fá stelpurnar til að koma að sóna eins og í fyrra og höfðu einhverjir áhuga á því en síðar kom í ljós að þær komast  ekki til okkar fyrr en í kring um 10-12 mars sem orðið of seint.

Viljum við þakka Láka á Salthúsinu fyrir fundaraðstöðu og vel heppnað þorrablót.

 

 

 

 

 

Athugasemdir

[Gunnar Vilbergsson (IP-tala skráð) 24.2.2010 kl. 15:28]

Gott að aðalfundur tókst vel enda þannig á þetta að vera.  Það er líka frábært að fá svona greinargerð um fundinn til að   halda okkur upplýstum sem ekki koma  eða komast á fundinn.  Mér fynnst það undarlegt að miðað sé við föstudaga til að skoða hrúta og gimbrar.  Það auðvitað útilokar ákveðinn hóp manna sem hafa áhuga á þessum málum, m.a. mig.  Það eru ekki allir sem komast frá á föstudögum og því tel ég laugardaga betri í það minnsta í mínu tilfelli og ég tala örugglega  fyrir fleirri.  Þið sem ráðið ákveðið þetta auðvitað en ég vona að þið horfið yfir allt sviðið.  kv.