Smölun í Grindavík

Í smalamennsku sýnist mér

suddi vera á fjöllum,

og í Mölvík mikið er

af mæðulegum köllum. 

Gerðavallahólf og Hópsnes

Af gefnu tilefni vill stjórn Fjáreigendafélagssins minna á að haustbeitarhólf okkar í Hópsnesi og Gerðavallahólf við Vík eru einungis fyrir heimafé.

 

Kv Stjórnin

Fundur í Salthúsinu á morgun fimmtudag kl 20:00

Þá er komið að því að hittast fyrir smalið og fara yfir hlutina varðandi skipulag í smali og við rétt.

Salthúsið á morgun fimmtudag 6.sept kl 20:00

 

Réttir og smal 2012

Svo virðist vera sem það sé einhver miskilningur komin á meðal fjárbænda hér í bæ varðandi réttirnar.

 

Það sem var rætt á fundi fjallskilanefndar óformlega eftir niðurjöfnun var aðkoma bæjarins á 

réttardaginn. Og var þar hugmynd uppi frá formanni félagssins hvort bærinn gæti komið því í kring

að fá 3-4 menn frá björgunarsveit til að vera í gæslu og umferðarstjórn með Gunna Vilbergs sem

hefur staðið sig frábærlega undanfarin ár og beina bílum í tiltekin stæði sem væri búið að merkja

upp. Þegar féið er komið til réttar færast þessir 3-4 björgunarsveitarmenn inní réttina og aðstoða

okkur fjárbændur við að hafa hemil á mannfjöldanum (að ekki sé verið að rífa í ull) því það er

einfaldlega tekið meira mark tekið á einkennisklæddum manni heldur en okkur bændunum.

 

Og munum við fjárbændur ekki bera neinn kostnað við þessa framkvæmd.

 

Einnig vil ég koma því á framfæri að hið marg um talaða bréf sem fylgdi fjallskilaseðlinum var 

ekki á borðum fjallskilanefndar á þessum fundi og er algjörlega frá bæjarfélaginu komið. 

 

Til stendur að kalla saman almennan fund til að ræða smal og réttardag í næstu viku. Fylgist með

tilkynningu um það hér á síðunni þegar nær dregur

 

Kveðja

Ómar Davíð Ólafsson formaður Fjáreigendafélsgssins

 

 

 

Fjallskil 2012

Föstudaginn 17.ágúst 2012 kom fjallskilanefnd saman til fundar að Víkurbraut 62. kl 10.

Mættir voru Ómar Davíð Ólafsson, Hörður Sigurðsson, Hermann Th. Ólafsson og Róbert Ragnarsson.

Til fyrstu rétta skal mæta föstudaginn 21. sept 2012 kl. 12.30 Þá verður smalað fjárhólfið í Krýsuvíkurlandi.

Smalað verður geymsluhólf á milli Hálsa.

Laugardaginn 22. september skal mæta við geymsluhólfið kl. 07.45 og rekið til Þórkötlustaðaréttar.

Réttað verður kl. 14:00.

Niðurjöfnun:

Arnar Sigurvinsson                                             1 dagsv.

Árni Klemens Magnússon                                   1 dagsv.

Ásgeir Magnús Ásgeirsson                                 2 dagsv.                               

Ásgeir Runólfsson                                              1 dagsv.

Ásta Jóhannesdóttir                                          2 dagsv.

Birgir Guðmundsson                                          3 dagsv.

Birgir Pétursson                                                1 dagsv.

Brian Lynn Thomas                                           1 dagsv.

Daníel Jónsson                                                 1 dagsv.

Einar Dagbjartsson                                          1 dagsv.

Guðbjörg Pétursdóttir                                      1 dagsv.

Guðjón Þorláksson                                           2 dagsv.

Halldór Jóhann Grímsson Keflavík                    1 dagsv.

Helgi Einar Harðarsson                                    2 dagsv.

Helgi Hilmarsson Keflavík                                1 dagsv.

Hermann Th. Ólafsson                                    10 dagsv.

Hraun                                                              2 dagsv.

Kári Ölversson                                                 1 dagsv.

Kristmundur Skarphéðinsson  Brunnastöðum  2 dagsv.

Kristólína Þorláksdóttir                                    1 dagsv.

Kristján Finnbogason                                      4 dagsv.

Loftur Jónsson                                                1 dagsv.

Margrét Sigurðardóttir                                    1 dagsv.

Ólafur Sigurðsson Rvík                                    1 dagsv.

Ólafur R. Sigurðsson                                       1 dagsv.

Ómar Davíð Ólafsson                                      3 dagsv.

Óskar Sævarsson                                           1 dagsv.

Páll Óskar Jóhannsson                                   2 dagsv.

Sigmar Björnsson   Kef                                   1 dagsv.

Steinþór Helgason                                         1 dagsv.

Theodór Vilbergson                                       2 dagsv.

Þorlákur Guðmundsson                                 1 dagsv.

Þórir Kristinsson                                           3 dagsv.       

Þórunn Sigurðardóttir                                   2 dagsv.  

Dagsverk alls                                             61

Leitarstjórar eru: Guðjón Þorláksson S:8950120, Hörður Sigurðsson S:7759909, og Þórir Kristinsson

S:4268023. Smalamenn skulu hafa samband við leitarstjóra til að afla sér uppl fyrir smaladag.

Réttarstjóri: Hermann Th. Ólafsson.

Vaktmaður yfir safni: Hermann Ólafsson.

Umferðarstjórn við rétt. Gunnar Vilbergsson

Dagsverk reiknast 9.000 kr enda leggi menn sér til hesta eða önnur farartæki.

Dagsverk sem ekki er staðið skil á greiðist með 50% álagi.

Smalamenn eru eindregið hvattir til að hafa með sér talstöðvar og góða skapið.

Ef fjáreigendur hafa einhverjar athugasemdir við framkvæmdina skulu þeir hafa samband við einhvern nefndarmann fjallskilanefndar.

Fleira ekki gert og fundi slitið kl 10:30

Fundargerð skráði Róbert Ragnarsson.

Réttardagur 22. september

Ákveðið hefur verið að Réttardagur skuli vera 22. september.

Nánari uppl síðar.

Fundur vegna fjárhúsabyggðar í Stakkavík

Til stendur að halda fund um fyrirhugaða fjárhúsabyggð í Stakkavík á fimmtudaginn 3.maí kl 20:00

Hvetjum við sem flesta sem hafa hug á að byggja að koma og skoða þær hugmyndir sem uppi eru.

 

Kveðja stjórinn

Rúningur næstu daga.

Þá er komið að því að þeir félagar Hjalti og Stebbi komi í heimsókn.

Gert er ráð fyrir að þeir verði á morgun fimmtudag (1.mars) útá Stað

Síðan er stefnan tekin austurá við á föstudaginn og viljum við

biðja bændur um að fylgjast með hvar þeir eru hverju sinni.

Einnig biðja þeir félagar okkur um að hafa féið inni svo það sé

ekki blautt þegar þeir mæta.

Aðalfundur og Þorrablót 2012

Þá er komið að hinu árlega Þorrablóti og aðalfundi.

Stefnt er að því að halda fundinn í Salthúsinu laugardaginn 11.feb næstkomandi og hefst fundurinn kl 19.00.

Dagskrá fundarins

1. Venjuleg aðalfundarstörf.

2. Önnur mál.

 

Að fundi loknum verður haldið Þorrablót að hætti Láka á Salthúsinu.

Verð á pr mann verður 4000 kr.

Innifalið er ball með Hljómsveitinni Brilljantín sem mun halda uppi stuðinu fram eftir nóttu.

Ath Láki sækir og skutlar fólki heim. S:4269700 og 699-2669

En endilega að fjölmenna á fundinn og tökum með okkur gesti.

Kv

Stjórnin

Aðalfundurinn og Þorrablótið - tímasetning.

Aðalfundur fjáreigendafélagsins verður haldin þann 11 febrúar 2012 kl: 19:00 í Salthúsinu.

Venjuleg aðalfundarstörf.

Að loknum fundi verður Þorramatveisla , verð pr. mann er 4.900 kr.

Þeir sem vilja skrá sig í matinn vinsamlegast hafið samband við Guðjón í Vík í síma 426-8419 eða 895-0120.

Stjórnin.