Munum að skrúfa niður GV skiltin

Viljum minna alla á að skrúfa niður GV skiltin á dilkunum hjá sér og hver og einn sjái um það hér eftir.

 

Smalið í dag

Jæja þá er komið að því að smala og vildum við bara minna smalana á að taka vestin og talstöðvar og góða skapið með.

Fundarboð í Salthúsinu

Fundarboð

Ætlunin er að hafa almennan félagsfund í Salthúsinu næstkomandi miðvikudag

kl 20.00.

Þar verður farið yfir smal og réttir.

Endilega að láta þetta berast á milli manna.

 

Kv Stjórnin

Fjallskilaseðill 2009

Fjallskil 2009

Föstudaginn 21.ágúst kom fjallskilanefnd saman til fundar að Víkurbraut 62. kl 12.00

 

Mætt voru: Guðjón Þorláksson, Hörður Sigurðsson, Hermann Ólafsson og Jóna Kristín Þorvaldsdóttir.

Til fyrstu rétta skal mæta föstudaginn 18.september (ekki 11. sept eins og seðillinn sagði til um). Þar verður smalað fjárhólf okkar Grindvíkinga.

Mæta skal kl.13.00. Smalað verður í geymsluhólf á milli hálsa.

Laugardaginn 19.september skal mæta við geymsluhólfið kl.07.45. og rekið til Þórkötlustaðarréttar.

Réttað verður kl 14.00.

 

Niðurjöfnun:

1. Hermann Ólafsson                          9. dagsverk

2. Ómar Davíð Ólafsson                      3. dagsverk

3. Þórir Kristinsson                             3. dagsverk

4. Kristján Finnbogason                     3. dagsverk

5. Hraun                                              2. dagsverk

6. Páll Óskar Jóhannsson                   2. dagsverk

7. Ásta Jóhannesdóttir                       2. dagsverk

8. Theodór Vilbergsson                      2. dagsverk

9. Steinþór Helgason                         2. dagsverk

10. Guðjón Þorláksson                       1. dagsverk

11. Kristólína Þorláksdóttir                 1. dagsverk

12. Dagbjartur Einarsson                   1. dagsverk

13. Þorlákur Guðmundsson                1. dagsverk

14. Óskar Sævarsson                         1. dagsverk

15. Brian Lynn Thomas                       1. dagsverk

16. Daníel Jónsson                             1. dagsverk

17. Loftur Jónsson                              1. dagsverk

18. Þórunn Sigurðardóttir                   1. dagsverk

19. Margrét Sigurðardóttir                  1. dagsverk

20. Ásgeir Runólfsson                         1. dagsverk

21. Helgi Hilmarsson (Reykjanesbæ)   1. dagsverk

22. Kristmundur Skarphéðins (Hafnaf) 1. dagsverk

23.Sverrir Örn Ólsen (Sandgerði)         1. dagsverk

24. Ólafur Sigurðsson (Reykjavík)        1. dagsverk

25. Sigmar Björnsson (Reykjanesbæ)  1. dagsverk

Leitarstjórar: Guðjón Þorláksson, Hörður Sigurðsson og Þórir Kristinsson

 Smalamenn skulu hafa samband við leitarstjóra til að afla sér upplýsingar fyrir smaladag

 

Réttarstjóri: Óskar Ágústsson

Vaktmaður yfir safni: Hermann Ólafsson

 

Dagsverk reiknast kr. 9000.-, enda leggja menn sér til hesta eða önnur faratæki.

Dagsverk sem ekki er staðið skil á greiðist með 50% álagi.

Smalamenn eru eindregið hvattir til að hafa með sér talsvöðvar og góða skapið.

Einnig ef smalar eru með grænu vestin síðan í fyrra að taka þau með.

Ef fjáreigendur hafa einhverja athugasemdir við framkvæmdina skulu þeir hafa samband við einhvern nefndarmanna fjallskilanefndar.

Þeir sem hafa áhuga á að setja í Sláturhús

Þeir sem hafa áhuga á því að setja í sláturhús í haust eru beðnir um að hafa samband við Guðjón í Vík sem fyrst í síma 4268419 og gefa upp þann fjölda sem menn hyggjast senda. Fyrirhugað er að bíllinn komi á mánudeginum eftir smal.

Áætlaður réttardagur er Laugardagurinn 19.sept

Fjölmennur fundur með Búnaðarsambandi Vesturlands

Hátt í fjörtíu manns sóttu fundinn sem var í Saltfisksetrinu í gærkvöldi og voru þetta frístundabændur af öllum Reykjanesskaganum ásamt Garðabæ,Álftanesi og Hafnarfirði.

Farið var yfir skýrsluhald og þá möguleika sem það hefur að vera skráður hjá Bændasamtökunum

í svokallaða Fjarvis.is og var talsverður áhugi hjá bændum að skrá sig í það.

Minni á fundinn í kvöld

Minnum á fundinn í Saltfisksetrinu í kvöld kl.20

Kveðja

Stjórnin

Fundarboð í Saltfisksetrinu 25.ágúst.

Ágæti sauðfjáreigandi

 Búnaðarsamtök Vesturlands boða sauðfjáreigendur á höfuðborgarsvæðinu og á Suðurnesjum til fræðslufundar um skýrsluhald í sauðfjárrækt, gæðastýringu, lambadóma og stafsemi Sauðfjársæðingastöðvarinnar í Borgarnesi.

Fundurinn verður haldinn í Saltfisksetri Íslands, Hafnargötu 12a, Grindavík, 25.ágúst n.k. og hefst kl 20.00.

Búnaðarsamtök Vesturlands hafa annast alla ráðunautaþjónustu á starfssvæði Búnaðarsambands Kjalarnesþings í nokkur ár. Þátttaka fjáreigenda í skýrsluhaldi BÍ og fjárræktarfélaganna hefur alla tí verið lítil á þessu svæði. Með þessum fundi er ætlunin að hvetja fjáreigendur á svæðinu til stóraukinnar þátttöku í sameiginlegu sauðsjárskýrsluhaldi landsmanna auk þess að efla tengsl Búnaðarsamtaka Vesturlands við fjáreigendur á svæðinu. Jafnframt verður kynnt þjónusta sem Búnaðarsamtökin bjóða uppá s.s. ómmælingar og dóma á lömbum, sauðfjarsæðingar og fleira.

Sauðfjáreigendur eru hvattir til að mæta á fundinn og eiga saman góða stund um sameiginlegt áhugamál , blessaða sauðkindina.

Starfsfólk Búnaðarsamtaka Vesturlands   

Ástandið gott í fjallinu

Ástandið er gott í fjallinu og eru lömbin

 orðin væn mörg hver.

Ómar var á ferðinni með girðingunni í gærkveldi og er ástand hennar gott og hefur

ekkert sést utan girðingar frá Grindvíkingum en aðeins hefur borið á því að fé

hefur sloppið úr Hafnarfjarðarhólfinu.

 

Heyskap víða lokið í Grindavík

Víða er heyskap lokið í Grindavík og gekk vel enda einmuna blíða nú það sem af er júlí.

Ath fleiri myndir í myndaalbúmi.

 

 

 

 

 

                                                       Hér sjást hjónin Rúna og Loftur í heyskap.