Sjúkdómar og sauðfé

 

Smella hér:

http://www.lbhi.is/lisalib/getfile.aspx?itemid=3156

Tilkynning.

Sauðfjárbændur athugið
Með þessari orðsendingu vil ég vekja athygli á nauðsyn þess að öll ásetningslömb, líka síðheimt lömb séu garnaveikibólusett.

Markmið reglugerðar um bólusetningu sauðfjár og geitfjár til varnar garnaveiki er að stuðla að útrýmingu garnaveiki í jórturdýrum með samstilltu átaki búfjáreigenda, Mast, dýralækna og sveitarfélaga. Það er ljóst að þarna verða allir að leggja sitt af mörkum til að árangur náist í þeim efnum.

Vert er að hafa í huga að árangri bólusetningarinnar í heild sinni er stefnt í hættu ef einstaka aðilar sinna ekki skyldum sínum í þessum efnum og því eru allir bændur hvattir til að passa upp á að öll ásetningslömb hjá þeim sé bólusett.

Bændur sem hafa verið að heimta lömb eftir að þeir létu bólusetja ásetningslömbin í haust og hafa ekki látið bólusetja þau eru hvattir til að láta bólusetja þau hið fyrsta.

Sigríður Jóhannesdóttir
Framkvæmdastjóri
Búnaðarsamtökum Vesturlands
Hvanneyrargötu 3
311 Borgarnes
s: 437-1215 / 892-0515

Fræðslufundur MAST: Díoxín

Matvælastofnun heldur fræðslufund um díoxín miðvikudaginn 30. mars 2011 kl. 15:00-16:00. Á fundinum verður fjallað um hvernig díoxín myndast og hvernig það berst í umhverfið, matvæli og fólk, ásamt vöktun og viðbrögðum þegar efnið greinist yfir viðmiðunarmörkum.

Nýleg greining díoxíns yfir viðmiðunarmörkum í nágrenni Ísafjarðar sýnir að slík efni geta myndast og borist í umhverfið og dýraafurðir hér á landi, rétt eins og í nágrannalöndum okkar en nýlega var gripið til viðamikilla ráðstafana í Þýskalandi vegna víðtækrar díoxínmengunar í búfjárafurðum þegar iðnaðarolíu var blandað í fóður. Hvað er díoxín, hvernig myndast það, hvernig berst það í fólk og hver eru heilsuáhrif þess eru meðal þeirra spurninga sem teknar verða fyrir á fræðslufundinum. Fundurinn er haldinn í samstarfi við Umhverfistofnun og Landlæknisembættið og munu sérfræðingar þessara stofnana, auk Matvælastofnunar, ræða um díoxín í umhverfinu, matvælum og fólki, vöktun og viðbrögð við vá. Hægt verður að fylgjast með fræðslufundinum í beinni útsendingu á vef MAST undir Útgáfa - Fræðslufundir. Þar verður einnig birt upptaka að fræðslufundi loknum.

Fyrirlesarar:

   Sigríður Kristjánsdóttir, deildarstjóri hjá Umhverfisstofnun
   Kjartan Hreinsson, dýralæknir heilbrigðiseftirlits hjá Matvælastofnun
   Haraldur Briem, sóttvarnalæknir hjá Landlæknisembættinu

Fræðslufundurinn verður haldinn í umdæmisskrifstofu Matvælastofnunar í Reykjavík að Stórhöfða 23. Gengið er inn í húsnæði stofnunarinnar að norðanverðu (Grafarvogsmegin). Allir velkomnir!

www.mast.is 
 

Námskeið LBHÍ. Lífræn aðlögun sauðfjárræktar.

Lífræn aðlögun sauðfjárræktar - Námskeið haldið í samstarfi við Vottunarstofuna Tún ehf.

Námskeiðið er ætlað þeim sem stunda sauðfjárrækt í meira eða minna mæli og hafa áhuga á að kynna sér möguleika sína á upptöku lífrænna aðferða og á markaðssetningu lífrænna sauðfjárafurða.

Á námskeiðinu verður fjallað um helstu þætti lífrænnar aðlögunar, einkum fóðurframleiðslu, aðbúnað og heilbrigði sauðfjárins. Fjallað verður um vandamál sem tengjast húsakosti, beitarstjórnun, heyöflun og sjúkdómum, og gerð grein fyrir fenginni reynslu bænda og dýralækna af lausn þeirra með náttúrulegum, fyrirbyggjandi aðferðum.

Þá verður fjallað um skýrsluhald, eftirlit og vottun lífrænnar sauðfjárræktar, og aðra þætti sem huga þarf að við markaðssetningu lífrænna afurða.

Tími: Fös. 1. apr, kl. 12:45-17:00 (5 kennslustundir) í Tjarnarlundi, Saurbæ í Dölum.

Verð: 14.000 kr. Innifalið eru námskeiðsgögn, kaffi og meðlæti.

Staðfestingargjald: Staðfesta þarf skráningu með því að millifæra 4000 kr (óafturkræft) á reikninginn 354-26-4237, kt. 411204-3590.  Kvittun með skýringu send á [e-mail] Sjá nánar á www.lbhi.is/namskeid  

Aðalfundur FUBVV

Aðalfundur ungra bænda á Vesturlandi og Vestfjörðum verður haldinn á
Kollubar á Hvanneyri þann 16. febrúar næstkomandi kl. 20:30. Allir
félagar FUBVV eru hvattir til að mæta og hafa áhrif á starf og stefnu
félagsins, eins eru nýjir félagar velkomnir. En allt ungt fólk á
aldrinum 18 til 35 ára getur orðið aðilar að samtökunum, ekki er
skilyrði að
vera starfandi bóndi, einungis að hafa áhuga á málefnum landbúnaðar og
landsbyggðarinnar.

Á dagsskrá er:
Ársskýrsla stjórnar
Breytingar á lögum félagsins
Kosningar í stjórn
Önnur mál.

Með von um að sjá sem flesta.
Stjórn FUBVV.

http://www.ungurbondi.is/bondi/

Jarðræktarforritið Jörð.is

Í boði er námskeið á næstunni á Flúðum þar sem kennarinn Borgar Páll mun kenna á nýja forritið Jörð.is.

Námskeiðið er einkum ætlað bændum, en er þó öðrum opið. Hámark þátttakanda er 12. Námskeiðin eru kennd í tölvustofu

Kennt verður á nýtt skýrsluhaldsforrit í jarðrækt, jörð.is, sem er að taka við af jarðræktarforritinu NPK. Farið verður yfir helstu þætti þess hvernig bændur geta nýtt sér vefforritið til að halda utan um jarðræktarsögu búsins, útbúa áburðaráætlanir og nýta við verðsamanburð á milli áburðarsala. 

Kennarar: Borgar Páll Bragason verkefnastjóri hjá Bændasamtökum Íslands.Tími: Fim. 24. feb, kl. 10:00-17:00 (8,5 kennslustundir) í grunnskólanum á Flúðum.

Verð: 14.900kr. (Minnum bændur sérstaklega á Starfsmenntasjóð bænda)Staðfestingargjald: Staðfesta þarf skráningu með því að millifæra 2.900kr (óafturkræft) á reikninginn 0354-26-4237, kt. 411204-3590.

Skráningar: [e-mail] (fram komi nafn, kennitala, heimili, sími og nafn námskeiðs)

Einnig má skrá sig í síma 433 5000 Haft verður samband við þátttakendur nokkrum dögum áður en námskeið hefst og þeir beðnir um staðfesta þátttöku. Eftir að námskeið hefst er greiðsluseðill sendur til greiðanda. Vinsamlegast athugið að ef skráður þátttakandi hættir við að sitja námskeið, en hefur ekki tilkynnt forföll með formlegum hætti til endurmenntunardeildar LBHÍ áður en námskeið hefst, eða hættir eftir að námskeið er hafið, þá mun LBHÍ innheimta 50% af námskeiðsgjaldi. Ef biðlisti er á námskeiðinu, mun námskeiðsgjaldið innheimt að fullu

Hvanneyri - 311 Borgarnes sími: 433 5000 fax: [phone] netfang: [e-mail]

Borgar Páll Bragason

Fóðrun og fóðurþarfir sauðfjár

Fóðrun og fóðurþarfir sauðfjár - Námskeið fyrir sauðfjárbændur og aðra áhugasama.

Farið verður yfir helstu atriði varðandi fóðurþarfir og fóðrun sauðfjár á mismunandi tímabilum og aldursskeiðum. Tekið verður mið af núverandi kringumstæðum varðandi kostnað við fóðuröflun og möguleg fóðurkaup.

Staður og stund: (2 námskeið)

· Gamli skólinn, Hvanneyri, miðv. 23. feb. kl. 10.00 – 16.00 (8 kennslustundir).

· Austurland (nánar síðar), mið. 2. mars kl. 10.00 – 16.00 (8 kennslustundir).

Leiðbeinandi: Jóhannes Sveinbjörnsson, sérfræðingur hjá Landbúnaðarháskóla Íslands Verð: 14.500.-

 Skráningar: [e-mail] eða í síma 433 5000 – fram komi nafn, kennitala, heimilisfang, sími og netfang.

Staðfestingargjald: Staðfesta þarf skráningu með því að millifæra 2.500 kr (óafturkræft) á reikninginn 0354-26-4237, kt. 411204-3590.

Starfsmenntasjóður bænda veitir styrki, gegn umsóknum, til endurmenntunar starfandi bænda

(www.bondi.is)

 

Þorrablót og Aðalfundur laugardaginn 29. janúar kl 19.00

 

 

 

 

 

 

 

 

 

 

Sælir félagar

Þá er komið að hinu árlega Þorrablóti og aðalfundi.

Stefnt er að því að halda fundinn í Salthúsinu laugardaginn 29. janúar næstkomandi og hefst fundurinn kl 19.00.

Dagskrá fundarins

1. Venjuleg aðalfundarstörf.

2. Önnur mál.

 

Að fundi loknum verður haldið Þorrablót að hætti Láka á Salthúsinu.

Verð á pr mann verður 3600 kr.

Innifalið er ball með Hljómsveitinni Penta sem mun halda uppi stuðinu fram eftir nóttu.

Ath Láki sækir og skutlar fólki heim. S:4269700 og 699-2669

Ekki verður unnt að niðurgreiða af félaginu eins og fyrri ár.

En endilega að fjölmenna á fundinn og tökum með okkur gesti.

Kv

Stjórnin

Forystufé

Umfjöllun um forystufé í Kastljósi.

Smella hér:

http://dagskra.ruv.is/sjonvarpid/4545016/2011/01/17/1/

Gaman að þessu.

Sauðfjárrækt - lesið allt til enda ;-)

Lífræn aðlögun sauðfjárræktarNámskeið Landbúnaðarháskóla Íslands haldið í samstarfi við Vottunarstofuna Tún ehf. Námskeiðið er ætlað þeim sem stunda sauðfjárrækt í meira eða minna mæli og hafa áhuga á að kynna sér möguleika sína á upptöku lífrænna aðferða og á markaðssetningu lífrænna sauðfjárafurða.            Á námskeiðinu verður fjallað um helstu þætti lífrænnar aðlögunar, einkum fóðurframleiðslu, aðbúnað og heilbrigði sauðfjárins. Fjallað verður um vandamál sem tengjast húsakosti, beitarstjórnun, heyöflun og sjúkdómum, og gerð grein fyrir fenginni reynslu bænda og dýralækna af lausn þeirra með náttúrulegum, fyrirbyggjandi aðferðum. Þá verður fjallað um skýrsluhald, eftirlit og vottun lífrænnar sauðfjárræktar, og aðra þætti sem huga þarf að við markaðssetningu lífrænna afurða.  Drög að dagskrá: 12.45-13.30 Aðlögunarferlið – yfirlit um markmið og leiðir   Dr. Gunnar Á. Gunnarsson, framkvæmdastjóri Vottunarstofunnar Túns. 13.35-14.20 Uppruni, aðlögun og aðbúnaður sauðfjárstofns   Dr. Ólafur R. Dýrmundsson, landsráðunautur Bændasamtaka Íslands. 14.25-15.10 Beit, fóðuröflun, fóðrun og heilbrigði  Dr. Ólafur R. Dýrmundsson, landsráðunautur Bændasamtaka Íslands. 15.25-16.10 Reynsla bónda af lífrænum sauðfjárbúskap  NN (bóndi með reynslu af lífrænni sauðfjárrækt) 16.15-17.00 Eftirlit, vottun, markaðssetning og kostnaður  Dr. Gunnar Á. Gunnarsson, framkvæmdastjóri Vottunarstofunnar Túns.  Stund og staður: Fim. 20. jan. kl 12:45-17:00 (5,0 kennslustund) á Gauksmýri, V-Hún.  Verð: 14.000 kr. Innifalið eru námskeiðsgögn, kaffi og meðlæti. Skráning: [e-mail]  eða í síma 433 5000Staðfestingargjald: Staðfesta þarf skráningu með því að millifæra 4000 kr (óafturkræft) á reikninginn 354-26-4237, kt. 411204-3590.  Kvittun með skýringu send á [e-mail] ____Minnum á Starfsmennasjóð bænda – en hámarksstyrkur til endurmenntunar á ári er um 30.000 kr sjá www.bondi.is Hægt er að fylla út eyðublöð á vefnum og senda inn eða hafa samband við Ásdísi hjá Bændasamtökum Íslands.___  Yfirlit námskeiða má finna á heimasíðunni www.lbhi.is/namskeid - námskeiðin eru öllum opin, óháð fyrri menntun!  kynnið ykkur málið ;-)Á dagskránni eru einnig námskeið um fóðrun sauðfjár – og námskeiðsröðin Sáðmaðurinn!