Gleðileg jól.

Gísli dýralæknir verður í dag Mánudaginn 21.12

Gísli dýralæknir verður í Grindavík í dag ef einhverjir þurfa á að halda. Hafið samband í síma 8629005.

Laugard. kl 10:00

Gísli byrjar í fjárhúsinu hjá Dóra og Gunna kl: 10:00 nk. laugardagsmorgun og fer því næst í austurátt. Þið sem eigið von á honum, vinsamlegast fylgist með ferðum hans.

 

Tilkynning frá Guðjóni í Vík.

Þeir sem létu sóna gimbrar og hrúta eru vinsamlegast beðnir um að setja sig í samband við Guðjón í Vík í S:4268419 og ganga frá greiðslu hið fyrsta

 

 

 

 

 

 

 

 

Gísli Dýralæknir verður í Grindavík í dag

Gert er ráð fyrir að Gísli Dýralæknir verði í Grindavík í dag um sex leytið í dag til að ormahreinsa.

Þeir sem hafa áhuga setji sig í samband við Gísla í síma 8629005

Þetta er eitthvað sem allir ættu að skoða.

Gæðastýringarnámsskeið – 8. nóvember næstkomandi
Gæðastýring í sauðfjárrækt

Þeir sem eru í gæðastýringu í sauðfjárrækt þurfa að uppfylla skilyrði samkvæmt reglugerð um gæðastýrða sauðfjárframleiðslu. Þeir sem uppfylla þessi skilyrði fá greitt gæðastýringarálag á hvert kíló sem er lagt inn í afurðarstöð óháð því hvort kjötið er tekið til heimanota, heimavinnslu eða selt afurðarstöðinni. Í ár verða greiddar um 150 krónur á hvert innlagt kiló af dilkakjöti, nema fituflokka 4 og 5 og vaxtarlagsflokkinn P. Vakin er athygli á að allri fjáreigendur sem leggja inn fé til slátrunar í afurðastöð geta sótt um aðild að gæðastýrðri sauðfjárframleiðslu.

Eitt af grunnskilyrðum fyrir þátttöku í gæðastýringu í sauðfjárrækt er að hafa sótt undirbúningsnámskeið.

Næsta námskeið í gæðastýringu í sauðfjárrækt verður haldið á Hvanneyri mánudaginn 8. nóvember n.k. Það hefst kl 10:00 fyrir hádegi og lýkur kl 18:00.
Þeir sem óska eftir að sækja fyrirhuguð námskeið eru vinsamlegast beðnir að skrá þátttöku til Bændasamtaka Íslands fyrir 2. nóvember. Unnt er að skrá þátttöku í síma 563-0300 eða á tölvupósti [e-mail]

Eftirtalin atriði eru skyldur framleiðenda við gæðastýrða framleiðslu:

Gæðahandbók.
Í gæðahandbók skal skrá eftirgreindar upplýsingar um framleiðsluaðferðir og aðstæður á sauðfjárbúi:
a. Áburðarnotkun.
b. Gróffóðuröflun og fóðrun á búinu.
c. Landnýtingu.
d. Lyfjakaup og lyfjanot.

Loks skal skrá í gæðahandbók aðrar upplýsingar sem tilgreindar eru í leiðbeiningum um skráningu. Skráning skal hefjast eigi síðar en í upphafi þess árs sem framleiðandi tekur upp gæðastýrða sauðfjárframleiðslu.

Aðbúnaður og meðferð.
Sauðfé skal njóta fullnægjandi aðbúnaðar, meðferðar og fóðrunar, sömu kröfur og í þeim aðbúnaðarreglum sem eru í gildi fyrir allt sauðfé í landinu. .

Merkingar búfjár.
Fjárstofn skal merktur samkvæmt reglugerð um merkingar búfjár.

Skýrsluhald.
Fjárstofn skal skráður í skýrsluhaldskerfi Bændasamtaka Íslands. Sauðfjárskýrslum hvers árs skal skilað eigi síðar en 1. febrúar næsta árs. Framleiðendur sem eru að hefja þátttöku í gæðastýrðri sauðfjárframleiðslu en hafa til þess tíma ekki verið í skýrsluhaldi skulu senda vorupplýsingar úr sauðfjárskýrsluhaldi til Bændasamtaka Íslands eigi síðar en 20. júní.
Bændasamtökin annast útgáfu, viðhald og dreifingu skýrsluhaldsgagna og leggja fram leiðbeiningar um notkun þeirra. Miðað skal við að unnt sé að rekja uppruna og afdrif allra gripa í hjörðinni á einfaldan og öruggan hátt.

Bólusetning gegn garnaveiki.
Uppfylla skal skyldur til bólusetningar gegn garnaveiki.

Undirbúningsnámskeið.
Framleiðendur sem sótt hafa um að taka upp gæðastýrða sauðfjárframleiðslu skulu sækja sérstakt undirbúningsnámskeið

Nánari upplýsingar um gæðastýrða sauðfjárframleiðslu má finna í reglugerð nr 10, 4. janúar 2008 um gæðastýrða sauðfjárframleiðslu með því að smella HÉR

Nýjir þátttakendur í gæðstýringu í sauðfjárrækt:
Nýir þátttakendur í gæðastýringu í sauðfjárrækt þurfa að sækja um aðild til Matvælastofnunar á þar til gerðum umsóknareyðublöðum fyrir 20. nóvember ef framleiðandi óskar eftir álagsgreiðslum fyrir næsta ár. Umsóknareyðublaðið má nálgast með því að smella ”HÉR

Þeir sem nú þegar eru með gæðastýrða sauðfjárframleiðslu er bent á að eyðublöð vegna gæðastýringar í sauðfjárrækt má nálgast á heimasíðunni bondi.is með því að smella “HÉR

Ullarflokkun

Námskeið í ullarflokkun haustið 2010 - ókeypis, en krefst skráningar!

Ullarmatsnefnd og Landssamtök sauðfjárbænda í samvinnu við Endurmenntun Landbúnaðarháskóla Íslands standa fyrir námskeiðum í ullarflokkun víðsvegar um land, sem haldin verða í byrjun nóvember.

Námskeiðin verða haldin í fjárhúsum hjá bændum þar sem rúið verður og ullin flokkuð jafnóðum. Auk þess verður farið yfir reglur um ullarflokkun og sýndar myndir til skýringar.
Fyrirhugað er að halda námskeiðin á 17 stöðum og á sumum þeirra er möguleiki á tveimur námskeiðum sama daginn ef þátttaka verður mikil. Hvert námskeið verður u.þ.b. hálfur dagur ýmist fyrir eða eftir hádegi. Reiknað er með að hámarksfjöldi á hverju námskeiði séu 15 manns. Leiðbeinendur verða Emma Eyþórsdóttir, formaður ullarmatsnefndar og Guðjón Kristinsson, framkvæmdastjóri Ístex h.f.
Markmiðið með þessu átaki er að bæta vinnubrögð við ullarflokkun og stuðla þannig að betri nýtingu og auknu verðmæti ullarinnar.

Námskeiðsgjald er ekkert en gerð er krafa um skráningu sem fer fram hjá Endurmenntun LbhÍ í síma 433 5000 eða um netfangið [e-mail] Fram komi nafn, kennitala, heimili og sími.

Skráningarfrestur er til fimmtudagsins 28. október nk.

•  
  • Borgarfjöður - Steinar II. Laug. 30. okt. kl. 09.00
  • Dalasýsla – Magnússkógar III. Þri. 9. nóv. kl. 09.00
  • Reykhólasveit – Fremri-Gufudalur. Þir. 9. nóv. kl. 16.00
  • Vestfirðir – Minni Hlíð, Bolungavík. Mið. 10. nóv. kl. 13.00
    Í boði eru einnig námskeið í rúningi I og II, sauðfjársæðingum, jord.is o.fl.
    Sjá www.lbhi.is/namskeid

 

Námskeið: Forntraktorar

Forntraktorar – meira en járn og stál! Í samstarfi við Landbúnaðasafn Íslands og Verktakafyrirtækið Jörva ehf. Námskeiðið er opið öllum áhugamönnum um forntraktora á Íslandi. Námskeiðið hentar vel þeim sem hafa áhuga á varðveislu traktora en einnig þeim sem vinna við varðveislu forntraktora. Hámarksfjöldi þátttakenda á námskeiðinu er 20. Á námskeiðinu verður rifjuð upp saga dráttarvéla á Íslandi og fjallað um forntraktora: hvar um þá má leita heimilda, hvernig þeim má gera til góða, hirða þá og varðveita sögu þeirra sem hluta af menningarsögu sveitanna. Skoðuð verða góð og miður góð dæmi um varðveislu forntraktora og fjallað um aðstöðu, vinnubrögð og verktækni við uppgerð forntraktora. Áhersla er lögð á virkni þátttakenda í miðlun reynslu og þekkingar um viðfangsefnið og að efla tengsl þeirra.   Kennarar: Bjarni Guðmundsson prófessor við LbhÍ og verkefnisstjóri Landbúnaðarsafns Íslands, Jóhannes Ellertsson vélvirki og kennari við LbhÍ, Haukur Júlíusson frkvstj., Erlendur Sigurðsson vélameistari Landbúnaðarsafns Íslands og Sigurður Skarphéðinsson vélvirki.   Tími: Lau. 30. okt, kl. 10:00-17:00 í Landbúnaðarsafni Íslands á Hvanneyri (9 kennslustundir).   Verð: 9.900 kr. (innifalið eru m.a. námskeiðsgögn og veitingar yfir daginn).   Staðfestingargjald: Staðfesta þarf skráningu með því að millifæra 2.800 kr. (óafturkræft) á reikninginn 0354-26-4237, kt. 411204-3590.

 

Nánari upplýsingar um námskeiðið má finna hér: http://www.lbhi.is/index.aspx?GroupID=894&TabID=900&eventId=483 og skráning á námskeið er hér [e-mail] 

Einnig má skrá sig í síma 433 5000
 
Umsagnir fyrri þátttakenda:
Hitta og komast í samband við menn með sama áhugamál
Skemmtilegir og fróðir kennarar
Fjölbreytt, fræðandi og skemmtilegt
Kennsla og útskýringar af hálfu ”topp” kunnáttumanna
Tækifærið til að fræðast um tæki og tól á Landbúnaðarsafninu
Svo margt nýtt sem maður vissi ekki fyrir og fékk nú vitneskju um  og nú veit maður
hvert á að leita með frekari fyrirspurnir

 
Haft verður samband við þátttakendur nokkrum dögum áður en námskeið hefst og þeir beðnir um staðfesta þátttöku. Eftir að námskeið hefst er greiðsluseðill sendur til greiðanda. Vinsamlegast athugið að ef skráður þátttakandi hættir við að sitja námskeið, en hefur ekki tilkynnt forföll með formlegum hætti til endurmenntunardeildar LBHÍ áður en námskeið hefst, eða hættir eftir að námskeið er hafið, þá mun LBHÍ innheimta 50% af námskeiðsgjaldi. Ef biðlisti er á námskeiðinu, mun námskeiðsgjaldið innheimt að fullu.

Hvanneyri - 311 Borgarnes - sími: 433 5000 fax: [phone] - netfang: [e-mail]
Reykir – 801 Hveragerði - sími: 433 5303 fax [phone] – heimasíða: www.lbhi.is/namskeid

 

Tilkynning þessi er send út með fyrirvara um allar breytingar

 

Hrútadómar 2010 Myndir

                                                 

 

 

 

 

 

 

 

 

 

 

 

Sigursælir hrútarnir frá Stað

 Það kom í hlut Hermanns Ólafssonar frá Stað að taka við 1.verðlaunum í flokki verturgamalla hrúta og einnig 1.verðlaunum lambhrúta.

Það var hrúturinn Gulltoppur sem fékk 1.verðlaun í flokki Veturgamalla hrúta með einkunnina 86.5 stig.

Í flokki lambhrúta eru það hrútarnir Orri og Fróði sem voru hlutskarpastir með einkunnina 85.5 stig

Fleiri myndir í albúmi hér vinstra megin á síðunni. 

Á myndinni sést Hermann taka við verðlaunum úr hendi Ómars Ólafssonar formanns Fjáreigendafélags Grindavíkur

  

Námskeið í ullarflokkun haustið 2010

Ullarmatsnefnd og Landssamtök sauðfjárbænda í samvinnu við Endurmenntun LbhÍ standa fyrir námskeiðum í ullarflokkun víðsvegar um land, sem haldin verða í byrjun nóvember.

Námskeiðin verða haldin í fjárhúsum hjá bændum þar sem rúið verður og ullin flokkuð jafnóðum. Auk þess verður farið yfir reglur um ullarflokkun og sýndar myndir til skýringar.

Fyrirhugað er að halda námskeiðin á 17 stöðum og á sumum þeirra er möguleiki á tveimur námskeiðum sama daginn ef þátttaka verður mikil. Hvert námskeið verður u.þ.b. hálfur dagur ýmist fyrir eða eftir hádegi. Reiknað er með að hámarksfjöldi á hverju námskeiði séu 15 manns. Leiðbeinendur verða Emma Eyþórsdóttir, formaður ullarmatsnefndar og Guðjón Kristinsson, framkvæmdastjóri Ístex h.f.

Markmiðið með þessu átaki er að bæta vinnubrögð við ullarflokkun og stuðla þannig að betri nýtingu og auknu verðmæti ullarinnar.

Námskeiðsgjald er ekkert en gerð er krafa um skráningu. Hún fer fram hjá Endurmenntun Landbúnaðarháskóla Íslands í síma 433-5000. Skráningarfrestur er til fimmtudagsins 28. október nk.

Námskeið haldin á svæði BV:

laugardagur, 30. október
Borgarfjörður kl. 09.00
Kennslustaður: Steinar II
Haldin verða tvö námskeið ef næg þátttaka fæst.

þriðjudagur, 9. nóvember
Dalasýsla kl. 09.00
Kennslustaður: Magnússkógar III

Reykhólasveit kl. 16.00
Kennslustaður: Fremri-Gufudalur

miðvikudagur, 10. nóvember
Vestfirðir kl. 13.00
Kennslustaður: Minni-Hlíð, Bolungarvík